У Музеі нацыянальных культур Іўя захоўваецца татарскі рукапіс другой паловы ХХ ст., напісаны кірыліцай. Рукапіс змяшчае некалькі апавяданняў на біблейска-каранічныя тэмы (пра цароў Давіда і Сулеймана). У артыкуле разглядаецца пачатак і эвалюцыя кірылічнага і лацінскаграфічнага пісьменства сярод татараў былога Вялікага Княства Літоўскага, а таксама робіцца спроба вызначыць месца даследаваннага рукапісу ў рэчышчы гэтай традыцыі. Значная ўвага надаецца высвятленню жанравай прыналежнасці твораў, якія ўваходзяць у згаданы рукапіс, і праблеме ідэнтыфікацыі выкарыстаных у ім крыніц.